منيو رقمي بكود QR للمطاعم والكافيهات في العراق
قائمة طعام رقمية تفاعلية يمسحها الزبون بكاميرا موبايله ويتصفحها مباشرة — بدون تطبيق، وبدون انتظار. تعدّل الأسعار والأصناف بنفسك بأي وقت، من غير ما تدفع فلس لإعادة طباعة.
ليش تحتاج منيو رقمي؟
أغلب المطاعم والكافيهات بالعراق لسا تعتمد على منيو ورقي مطبوع — وكل مرة يتغير سعر صنف أو يضاف طبق جديد، لازم تدفع لإعادة الطباعة وتوزيع النسخ الجديدة على كل الطاولات. المنيو الرقمي يحل هذي المشكلة نهائياً: تعدل من جهازك بثواني، والتحديث يوصل لكل الزباين فوراً.
تحديث فوري
غيّر سعر أو صنف أو أضف عرض جديد بأي وقت، بدون طباعة ولا انتظار.
صور لكل صنف
كل طبق أو مشروب بصورة واضحة تساعد الزبون يقرر بسرعة.
تصفح وفلترة سهلة
تقسيم الأصناف لفئات (مشروبات ساخنة، باردة، حلويات...) وفلترة سريعة بلمسة وحدة.
عربي وRTL أصيل
مصمم من الأساس للعربي واتجاه الكتابة الصحيح — مو ترجمة مضافة بالعجل.
Cookies and More — بغداد
صممنا منيو رقمي كامل لمحل حلويات وقهوة بثلاث فروع ببغداد (الدورة، الأعظمية، مول العراق) — يشمل كل أصناف الكوكيز والبراوني والمشروبات الساخنة والباردة، مع فلترة حسب الفئة وصورة لكل منتج، وتجربة متجاوبة على الموبايل بالكامل.
كيف نشتغل
نرسلك نموذج تصميم أولي حسب هوية محلك (ألوانك وشعارك)، تراجعه وتعطينا ملاحظاتك، نضيف الأصناف والأسعار كاملة، وبعدها يطلع لك رابط ورمز QR جاهز تطبعه على الطاولات. أي تعديل بعدين نسويه لك بنفس اليوم.
جاهز تحول منيو محلك رقمي؟
تواصل وياني وخلي نبدأ بتصميم المنيو الرقمي مال محلك.